يمه .. هين ..!!
الهوى بعيون بنتكـ صار بين ..
مايبي له من يعلم ..!!
وصاحبي بالعشق استاذ ومعلم ..
كيف أخبي ..؟!
أنتي من جدكـ يايمه..؟!
وأنا بنتوتهـ
قلبي وردي .. وصغير ..ولين
ايهـ أحبهـ ..!!
يعني هذا اللي تبينهـ ..؟!
كيف أخبي وهذا دربي ..؟!
والهوى مكتوب من ربك وربي
والهوى مكتوب من ربك وربي
يوم شفتهـ
متكشخ .. متعطر .. متزين
طاح كاسي
فدوته راسي .. وناسي
موبكيفي ..!!
يمه جنني بحنانه
مايخون
الهوى عنده امانه
وريحة انفاسه دخون
مو طبيعي هالولد من جد يمه
فيه شوق .. فيه ذزق .. فيه للعشاق عوق
يمهـ يسلم لك حبيبكـ
والله نساني حليبكـ
أي ورب الكون يمهـ
يمهـ لو تدرين عنه
قلتي لي فالك حبيبكـ
ايه أحبهـ
ايه يمهـ
ايهـ اموت برعشة شفاههـ واذا يسمح المهـ
سامحيني لو حلفت اني لـ " لمهـ "
موبكيفي
وضحكته خمري .. وكيفي
مو طبيعي
هالولد عمري وربيعي
وفوق هذا صار شاعر
والله فعلا موطبيعي
ان عشق كله جنون
وان حكي كله فنون
على راسي مايهون
ايه يمهـ
ايه أحبهـ
واعصر ضلوعهـ واضمهـ
خلى لعيوني كثير من البنات .. على شاني
خلى نوره وخلى لمياء وخلى خولهـ
ايه يمهـ
خلى اسماء بنت خالهـ
وخلى ساره بنت عمهـ
اللي ابوها اخوابوه .. ودمها نفس دمهـ
باعها لعيون بنتكـ ... واشتراني ...
شفتي يمهـ ..؟! وأنا اراه انه غرامي ..وهو بعد مثلي يراني ..
الا أحبهـ
الا أحبهـ
الا أحبهـ
واللي مايسمع يسمع .. ألا أحبهـ
واعشق ترابه اذا داسهـ برجلهـ
قال لي مره اناظر..
قات حاضر..
يالله ناظر
يوم ناظرني بكيت
ماتحملت الهوى بعيوني السوداء
وشكيت
قال ابوسك ..؟!
قلت : تعقل ... لا أحوسك ..!!
قال : انا على السنه ..
قلت : ياليت
قال : والله لاأخذك قدام أخوك
بعد ماتربط يديني في يديك بامر أبوك
قلت : تبطي ..!
قال : لالا
قلت : لو أبطيت جيتك
قال: يسلم لي وفاك
قلبي قلبكـ ... بيتي بيتكـ
لعن ابو من خان عشقكـ
وماحفظ عهده معاكـ .. ومارعاكـ
